muhammad osama – i am walking anyways lyrics
ساعتين ماشي ع الاسفلت مفيش مواصلة
محاصر بالرمال و الصحاري بلا بوصلة
لامح شمس الشتا الغطسانة بين غيوم زرقا
طلعت قلم رصاص بقطع من الاجندة ورقة
هكتب عن اللي عاشوا و اللي ماتوا و اللي و اللي
هكتب عن ضلمة كافكا و عن وساخة ميكافيللي
يمكن اكتب عنها تاني باختلاف معاني
اصلي عارف رغم اختفائها انها متابعاني
هكتب رسالة لشلة المنصورة احلى عزوة
هكتب مقالة بحكي عن أطرف و أسوأ نزوة
يمكن مكتبش حاجة و ارسم شكلي في السبعين
أو اكتب دس ع القدام بقيادة امين
مشكلتي لما ببدأ أكتب قلمي مش بيرحم
كل ما تمر السنين الدنيا بتبقى أزحم
غروب النهاردة فيه شبه من غروب حياتي
فخور بكوني في نظركم الشاب الفلاتي
انا عن نفسي ماشي
مرحب بالتلاشي
الوحدة بتملى وادي
المبهر بقى عادي
باستخدام العدمية اكتب قصص قصيرة
لما ارزع بيرة ناس حقيرة بتظهر ع السيرة
اهلا برفاق الهلس الليلة دي السهرة عندي
مستني كل السهرانين و خصوصا ساندي
شوفي الوقت اللي يناسب مودك الموكنة جاهزة
وعد مني انك تخوضي تجربة جهابذة
عاوزك في ليلة للقمر في حالة اكتمال
عاوز دلال قبل ما نبدأ مرحلة الاهوال
بقطع ورقة هبد الرومانسية عشان بيضحك
بكره الحاضر كل ما افتكر الماضي بتمحك
عجباني لسعة البرد اللي بتحاصر الحيز
صوابع ايدي لسه مش ماسكة القلم كويس
صور قديمة تجيب الماضي بالمشقلب
لما كنت ادفي ايدي بمج سحلب
بقلب في الاجندة الاقي راب قديم غير معلن
ملوش مكان ناو بعد التغير قولاً و فعلاً
انا عن نفسي ماشي
مرحب بالتلاشي
الوحدة بتملى وادي
المبهر بقى عادي
خلصت سجايري
شربت الشاي
قاعد مستني يوم رحيل
ابعت رسالة الاقي سين
Random Lyrics
- ivoxygen – prxud lyrics
- pivit – w.d.i.w.t.s. lyrics
- yunnin – maldição de lyrics
- lord ap – lethal freestyle lyrics
- rex vici & baby ape – tquila lyrics
- shamana – pablo sanchez in backyard sports lyrics
- chronixx – another youth lyrics
- jim verraros – can’t love you like that lyrics
- vik – vik – harajuku love (feat. niek) (yungmon cover/remix) lyrics
- carl brave – nuvole lyrics