oyaji – mistake | غلطة lyrics
[المقطع الأول]
محد فيهم كان حاسس بيني
أكذب عليك لو أقولك أن هذا الموضوع ما كان مأثر فيني
همومي ومشاكلي كانت تنطحن براسي وأنا مالي غير الراب أواسيه ويواسيني
أحس إني لحالي ووضعي مشعتر ومقلوب
نظرات الكل تحسسني إني مو مرغوب
أحاول أتجاهلها ولا ألتفت لها, نظراتهم لي كأني شخص مدمن ميؤوس من أنه يتوب
غيرت في نفسي أشياء كل هذا لأجل أرضيهم
وكل ما طلبوني شي ما أقصر وأعطيهم
كنت الشخص المطيع ومستحيل إني أعصيهم
أبيهم يعتبروني واحد منهم وفيهم
سويت ليهم اللي ما حد غيري سواه
عطيتهم لين صرت الرمز في العطاء
تدري عن الشعور اللي يجيك بعد ما تقعد طول حياتك تعطي وفي الأخير تكتب عطاءك يروح هباء
[اللازمة] (x2)
هي غلطة كانت مني
والسبة هي إني
طيب بين ناس أغلبهم ما هم طيبين
[المقطع الثاني]
لاموني وقالوا لي أنت اللي قصرت وتستاهل اللي جاك
خلاص أنت تغيرت وما عدت نفس الشخص هذاك
إتخلوا عني وأنا في أمس الحاجة لهم وبكل بساطة قالوا لي ما عدنا خلاص نباك
أتصنع إني مو مهتم, لكن لو إنك فتحت قلبي وشفت اللي في ما بتلقى غير الهم
إنسان مكبوت من الداخل ولا يظهر الكبت
منعزل وعايش لحاله خلف جدار الصمت
كنت أبيهم يحسوا فيني بدون لا أتكلم
يحسوا فيني لما أتضايق ولما اتألم
عشان لا يزيدوا علي المشاكل والضغوط
كوني ما أشتكيت مو معناها إني مبسوط
عندي مشاكل مكفيتني وما أبي المزيد
مشاكل من هولتها يشيب لها شعر الوليد
ترا وربي تعبت ودي أهجر كل الناس وأشوف لي مكان أهاجر له وأعيش في له وحيد
[اللازمة] (x2)
هي غلطة كانت مني
والسبة هي إني
طيب بين ناس أغلبهم ما هم طيبين
[المقطع الثالث]
شاللي سويت لهم لأجل يعاملوني بهالطريقة
هل هذي جزاة الشخص اللي يضيع كل لحظة ودقيقة
من عمره وهو قاعد يخدم فيهم ويقدرهم ويعتبر كل واحد منهم أخوه مو بس صديقه
هذي الحقيقة, حبهم كان غلطة وعلى قول المثل خيراً تعمل شراً تلقى
جرحوني في القلب, علمتهم عاسلاح وبعد ما تعلموا وجهوا لي طلقة
ناس مرضى, اللي يبيهم يبيعوه واللي يبيعوهم يتقربوا ويحبوه
امورهم ماشية بالعكس, اللي يجيهم ويعطيهم ما يفكروا يجوه ولا حتى يعطوه
بذلت وسويت الكثير وما قد شفت الرد
ولا لقيت الناس اللي الظهر بيها ينشد
لكن خلاص بحط حد وبمشي عليه على طول السنين لو مهما الزمان طال وأمتد
[اللازمة] (x2)
هي غلطة كانت مني
والسبة هي إني
طيب بين ناس أغلبهم ما هم طيبين
Random Lyrics
- rvg – ibm lyrics
- remmy – s-tentato lyrics
- sofly – pistol (ft. 2time & 6ixteen) prod. catch. 22 lyrics
- yung coke – skunktastisk lyrics
- bear claw – other hoe (remastered) lyrics
- víctor manuel – cuando acabe este vals lyrics
- hustensaft jüngling – so wie ich lyrics
- dramaboi – lamza lyrics
- jhonny sauer – alien lyrics
- lil uzi vert – steaktown anthem lyrics