حمدان المري – وين أنت lyrics
يكبر قسى جرح السنين ويعني
رجل الحزين اللي على حد الإدراك
هذا أنا يوم أخلف الوقت ظني
الحزن حزني والسوايا سواياك
بكيت وأبكيت العيون وبكني
تعال شفني كل ما حان ذكراك
كم واحدٍ جاني بعدك وسألني
شخبار من حبيت وأقفى وخلاك؟
وأصد والحزن الخفي ممتحني
وأن قلت منهو قيل ماهوب يخفاك
قيل العوض قلت العوض ما شحني
والله لا هذا ولا ذا ولا ذاك
يا ما بعضهم مرني ما فتني
يا جعل ماهم بالعوض في محياك
الله لا يجبر عزا من عذلني
ما جاه ما جاني ولا جاه ما جاك
واللي عذل ويقول (لو و لو أني)
جعل يعشق له واحدٍ كنه إياك
ما فيه شيٍ في حياتي غبني
الا نهار أقفيت وأنا أسمع إبكاك
الله من جرحٍ قديمٍ مكني
أمداك نزفه لكن ادواه ما أمداك
عليّ كم جار الزمان وطعني
أسمع صدى صوت المعاليق تنخاك
وين أنت ياللي كل ما غبت كني
واقف على باب الأمل وأتحراك
ليتك تعرف تخون وأقول خني
على الأقل القى سبب وأتنساك
وليت الزمن فمحبتك ما خذلني
وليت الهجر من طيب خاطرك ورضاك
لو أن قربك والوصل بالتمني
ما غبت عن عيني كثر ما اتمناك
خايف يطول البعد وتسج مني
وياخذ مكانك شخص ماهوب يسواك
وش عاد أسوي يومك أقفيت عني
لا أنا أتبع المقفي ولا أحب فرقاك
Random Lyrics
- chase k – apricots lyrics
- d-rex feat. lara marie – schweigen (radiocut) lyrics
- emel sayın & modern folk üçlüsü – dün göztepenin lyrics
- avalon – faith: a hymns collection album version lyrics
- gülden karaböcek – çeşme lyrics
- allertz – roads of roses lyrics
- kenta – luffarn lyrics
- jesto – la mia droga lyrics
- jul – cousine lyrics
- stiny plamenu – morbivodní potrubí lyrics