patent ochsner - umloufbahn lyrics
über ihre kreise d geier
i auer rysfäudrueh
da braut sech irgendöppis zäme
wo am schluss när niemer het gseh cho…
sie träit dert uf ihrer umloufbahn
oder i däm änge schnäggeloch
schüttet vom hohle i ds lääre
& malt sech ds meischte uus
ihres härz het se im schtich gla
het sech scho lang us em schtoub gmacht
& sy name treit sie für immer unger ihrer huut
sie seit:
i bi uf myre umloufbahn & sammle schick-
salsschleg
alptröim, abschtürz & missglückti plän
faugruebe & fautschi fährte
scham & zwyfel, wuet & truur
bluet & träne, sorge & leid
das aues blybt eim treu, dr räscht vergeit!
aber säg, wär het scho aus im griff?
d insle gsehn i säuber – zeig mir ds schiff!
d tage si ne rosskur & so si ihri nächt
da hanget schtändig öppis düre
sie het meh aus eis ysen im füür
wo sie sech d finger dran verbrönnt
& die süesse frücht die hange
immer z oberscht i dr chrone
& blöderwys o no geng a de dünnschte äscht
sie seit:
i bi uf myre umloufbahn & sammle schicksalsschleg
alptröim, abschtürz & missglückti plän
faugruebe & fautschi fährte
scham & zwyfel, wuet & truur
bluet & träne, sorge & leid
das aues blybt eim treu, dr räscht vergeit!
aber säg, wär het scho aus im griff?
d insle gsehn i säuber – zeig mir ds schiff!
sie löscht ds liecht im gang & leit sech i ds
bad & wartet dert mit offne arme…
Random Lyrics
- attaque 77 - onírico lyrics
- ceelo green - please come home for christmas lyrics
- ynw_rdx - sad lyrics
- chet baker - on green dolphin street lyrics
- dragonvy - and what’s that mean again? lyrics
- indigo girls f/ - closer to fine [live] lyrics
- teitur - guilt by association lyrics
- ilux - nitip rindu lyrics
- cesária évora - travessa de peixeira lyrics
- bob carlisle - i'm gonna be ready lyrics