patent ochsner – umloufbahn lyrics
über ihre kreise d geier
i auer rysfäudrueh
da braut sech irgendöppis zäme
wo am schluss när niemer het gseh cho…
sie träit dert uf ihrer umloufbahn
oder i däm änge schnäggeloch
schüttet vom hohle i ds lääre
& malt sech ds meischte uus
ihres härz het se im schtich gla
het sech scho lang us em schtoub gmacht
& sy name treit sie für immer unger ihrer huut
sie seit:
i bi uf myre umloufbahn & sammle schick-
salsschleg
alptröim, abschtürz & missglückti plän
faugruebe & fautschi fährte
scham & zwyfel, wuet & truur
bluet & träne, sorge & leid
das aues blybt eim treu, dr räscht vergeit!
aber säg, wär het scho aus im griff?
d insle gsehn i säuber – zeig mir ds schiff!
d tage si ne rosskur & so si ihri nächt
da hanget schtändig öppis düre
sie het meh aus eis ysen im füür
wo sie sech d finger dran verbrönnt
& die süesse frücht die hange
immer z oberscht i dr chrone
& blöderwys o no geng a de dünnschte äscht
sie seit:
i bi uf myre umloufbahn & sammle schicksalsschleg
alptröim, abschtürz & missglückti plän
faugruebe & fautschi fährte
scham & zwyfel, wuet & truur
bluet & träne, sorge & leid
das aues blybt eim treu, dr räscht vergeit!
aber säg, wär het scho aus im griff?
d insle gsehn i säuber – zeig mir ds schiff!
sie löscht ds liecht im gang & leit sech i ds
bad & wartet dert mit offne arme…
Random Lyrics
- brock zeman – someone for you lyrics
- under the oak tree – don’t stare into the sun lyrics
- dj krush – song 1 lyrics
- carlos perón – los alamos lyrics
- antestor – martyrium lyrics
- wesley willis – steve albini lyrics
- mono inc. – superman lyrics
- babe ruth – it’ll happen in time lyrics
- kisschasy – opinions wont keep you warm at night lyrics
- lord esperanza – saturne lyrics