a b c d e f g h i j k l m n o p q r s t u v w x y z 0 1 2 3 4 5 6 7 8 9 #

psyco m - numb3rs lyrics

[paroles de psyco m “numb3rsبسيكو ام ”نيمبرز”]

[المقطع الوحيد]
ياه، روحت للدار حليت لا تيليفيزيون
تلقتها لا بوليس une scène de crime لقيت
le même sujet العباد الكل تحكي ف
سهل تتكلم و أنت ما تعرفش الكواليس
معادش كباد كلها لايك نمبرز
و الدولة تحكم فيهم بالكالكيلاتريس
و المواطن معادش إنسان
بلا إدونتيتي نومرو ضاع ف لا ماتريس
مدام الدولة هي لي كتبت السيناريو
و تحط عليها بوز une scène choquante تختار
خاطر الإرهاب و البوليتيك معبي دي أكتور
أنت تتفرج في فيلم و مخك سو ايبنوز
عينيك مغمضة و مخك مخدر و بلا فيزيون
تحكي كيف العباد لي تبع كلها كي القطيع
قاعد على الكانابي تصدق فالتيليفيزيون
تسنى فالحقيقة باش يحكيهالك مذيع
دونك الكلام لكلو يولي أناليتيك
بالكود تحل اللغز تفهم لي صار
أقلب صفحة الكتاب و أرجع ل ليستوريك
خاطر الحكاية مربوطة بالاستعمار
حكاية كلها إيكونومي و جيوبوليتيك
يشوفوك فوسفات و بترول و يشوفو فيك آبار
و الدولة لا تعطي بيلون لا تعطي ستاتيستيك
خاطر الفلوس لكلها مشات في جيوب الكبار
فالاستعمار نهبو ثروات جهار بهار
أما اليوم العالم تبدل و فيه دي بروتوكول
هذاك علاش فالتيار موند يحطو حوكومات
يبيعو الشعب و البلاد في صفقة تاع بترول
تستعمل سياسة التخويف
تيوري ايكونومي تاع ميلتون فريدمان
تخلي الشعب ديما تحت الشوك
بالسياسة تاع الرعب تتحكم فالأوطان
ياو، نفهمك لو بروسيسيس
برك البلاد خذ قروض مالبانك مونديال
خذ مساعدات و إعانات
مالدول و مالفوموليتار انترناسيونال
programme d’ajustement بلا
بلا د يبلان الاقتصاد تيري عليه تعملو إبادة
تفرض عليه دي اوردر بوليتيك
تولي في تبعية البلاد ما عندهاش سيادة
فاصي الموند مانيبيلي العباد
بسياسة أخلق المشكل و لقالو حل
أخلق الإرهاب يغطي على الفساد
و الشعب على السيكيريتي تو يرضى ينذل
امشي تو عدي القرارات
خبي لي بروف و حضر الاتهامات
كي تجي التعليمات من السفارات
ركب الفيسور و نفذ الاغتيالات
نفس الريوس شي ما تبدل
اللي تحكم مالتالي فالظل فالحكومة الدائمة
الإرهاب عندهم بالبوتون
تنزل على ؟؟ تقوم الخلايا النائمة
بالتلفون حضر لوبيراسيون
حزام ناسف يتلبس تحت التوني
بحدا دورية نفذ لا ميسيون
و الريسيلتا أطونطا فاللافوني
مالميديا تعمل موبيليزاسيون
تأثر على لوبينيون بيبليك و تعمل ماطراكاج
تجيب لي مارسونار في بلاصت لي جورناليست
للبلاطوات تشد المخ تعملو فورماتاج
قنوات تملكها أحزاب
تمول فيها رجا الأعمال
تدعو للفتنة و الانقلاب
تأجج فالصراع و تدعو للقتال
و يبعدوك على المشكل الأساسي
تولي نومرو محطوط في دوسيات
فالانتخابات يخدم بيك السياسي
فبقية العام تخدم بيك الشركات
في بلاصت البترول تولي تحكي على النقاب
في بلاصت البنية التحتية تولي تحكي على الميراث
قسمو البلاد بسياسة الاستقطاب
في بلاد وين السبيطارات ولات تجيب الأمراض
و زيد نهزك لبعيد
اعمل فتنة ما بين المواطن و البوليس
البوليس يشوف المواطن قدامو كي الحتالة
و المواطن يشوف البوليس قدامو كيف بليس
و غدي الحقد بسياسة التفريق
حتى المواطن يولي يشوف البوليس كي الذيب
حتى الديوانة تولي تيري بالكارتوش
و البوليس يوقف العباد لي تموت تحت التعذيب
و خلي البوليس يكره لي لابس قميص
اللحية و الصلاة تولي مالإرهاب
و المدين يلزوه يكره البلاد
يولي يشوف البوليسية كل كلاب
و البوليس بالكفر و سبان الأم
؟؟ فالمطار ما يخليهوش يسافر
و المدين يعود يحلم ؟؟؟ الدم
يولي يشوف أي بوليس قدامو كافر
استغل الفقر و اصنع الإرهاب
الإسلام يولي تكفير في بلاصت التفكير
قلو عندي مفتاح الجنة باش نحلك باب
أنت خطط و هو يمشي ينفذ تفجير
و استغل الجهل باش تصنع طاغوت
تصنع بوليس ما يعرف كان الضرب
بالتعذيب يرمي البلاد في تابوت
في يدو ماطراك وحش ما عندوش قلب
لايك النمبرز لعبو بيهم الاثنين
و الريوس ماتالي تأخذ فالقرارات
و البولي ردوه يكره الدين
و المدين ولا إرهابي يعمل تفجيرات
و فالليل للزوز يباتو جيعانين
لي عمل الفتنة عندو ياخذو عقارات
و الجندي بالألغام ساقيه مقصوصين
و بدم فالوزارة تترقى الكبارات
ساهل تصنع بوليس ناقم
و ساهل تصنع تيروريست
ساهل تصنع بارسوناج
تكمل ليميسيون امبعد طيشو فالبلاك ليست
ساهل تلعب ب لي بروف
ساهل تفابريكي سان دو كريم
ساهل المقتول يولي قاتل
و ساهل القاتل مبعد يلعب دور الفيكتيم
مدام العباد ما تشوفش بالسارفو
a travers les yeux تحب تعرف الحقيقة
بالعينين كل شيء تشوفو فلو
تقعد ديما دور فنفس السيركل فيزيو
مدام الدولة تسربي لي مونسونج
يتعدى الفيروس حتى تبدى ايمينيزي
تقدم لي ديابل في صورة لي زونج
النشرة تاع الأخبار تخليك هيبنوتيزي
خلي الشعب ماهوش لاهي
اصنع سيستام ايديكاتيف يخلي العباد كيما النوامر
خلي المواطن عندو ماتريكيل
عندو مهمة وحدة يطبق فالأوامر
بلا طموح يخدم كي الماشين
بلا حقوق ردو حيوان
يشد الصف على بق حليب
خاطرو نومرو ما عادش إنسان
بريسيدون، ري بيبليك
ما يهم شيء البلاد تحكمها امباساد
تحب غاز، تحب بترول
اسنا أطونطا فيها دي غروناد
شيرني ، سقراط
أسأل عليه كيفاه مات في أمبيسكاد
سياسي، و لا عام
غادي تجيك كرتوشة من عند الموصاد
فرق تسد في جو بوليتيك
تحت الشوك الشعب يولي ماريونات
مفجوع و جيعان في بلاد لكلها طرافيك
و الفلوس تمشي فالكونت تاع الشخصيات
تمشي فالسهريات و الشعب ما عندوش وين يبات
نموت نموت و يحيا المسئول
قعدو يتاجرو بالبوليس و الجيش لي في جبل مات
قعدت الميديا لي تخدر العقول
صنعو شعب سير ميسير
يحلم بالديمقراطية و يصفق للديكتاتور
مدام الدولة لي تصنع ليماج
تتحكم فالريسوليسون و ف لا تاكستير
إرهاب بالتيليكوموند
اختارو الوقت انزل على الفلسة خلي الشعب يهيج
تضخم ولا كبير ف لي بانك
المهم الثورة تاع تونس ما تمشيش للخليج

- psyco m lyrics

Random Lyrics

HOT LYRICS