a b c d e f g h i j k l m n o p q r s t u v w x y z 0 1 2 3 4 5 6 7 8 9 #

qué pasa! – no he reblato lyrics

[tema en lengua aragonesa/aragonese language lyrics]

[estribillo 1]
no he reblato, d’a escureldá tornato
yo soi a boz de aquérs de qui t’has xublidato
te beigo xorrontato, ya soi escruxinato
mas no amortato pues encara no he reblato

[estrofa 1]
dende as alteras tucas an bi soi tocando zielo
dica ras fundas bals chemecando á ran de suelo
chilo en o chelo y en o disierto buedo
soflo en o zierzo que t’empenta maitinero
soi ixa boz que t’ubre l’esmo batalero
anque asobén no reconoxcan o mío emplego
antis primero, por qué güei soi zaguero?
yo yera ra parola biba en o tuyo fuero
no dixez morir a mía boz, rebellar-bos toz
que ro reloch no s’ature en iste inte atroz
que á ros chicoz trozs os faiga una foz
como flors de roz en milenta cloz
ruxia-las, cudia-las
crexendo zereñas, dimpués replega-las
iste ye o trango que empezipia ra enrestida
ya puedo adormir de nueis, zarra ra ferida

[estribillo 2]
no he reblato, d’a escureldá tornato
yo soi a boz de aquérs de qui t’has xublidato
te beigo xorrontato, ya soi escruxinato
mas no amortato pues encara no he reblato

[estrofa 2]
dizen que soi inbentata
que garra linia escrita ye reyal, solo una fabla esmaxinata…
puestar sigan pantasmas os que fan ista sonata
puestar que estié amagata, espellata y espullata
quí ye qui se’n ride en ascuitar-la?
quí ye o que luita por alzar-la?
esfender no ye obligar-bos a fablar-la
pero esfender no ye afogar dica amortar-la
mira ista maxia, chisla á chisla ruxia
cuan plega ra plebia ye plena de rabia;
mensache nimbia, chuntos femos a memoria
empentando á ixena ra endrezera de ra istoria
debantaz as mans si busatros soz
parti d’iste plan, bi abrá un diya en que toz
en debantar a bista faremos un lugar ta que pueda estar
un cresol; polbo, boira, biento e sol

[estribillo 3]
no he reblato, d’a escureldá tornato
yo soi a boz de aquérs de qui t’has xublidato
te beigo xorrontato, ya soi escruxinato
mas no amortato pues encara no he reblato

[estrofa 4]
puyando en atro ran, maitín ascuitarán
cantas de rap farán, repuis debantarán
con rasmia luitarán, un suenio que farán
reyalidá de raso e ras parolas tornarán
plegarán, fluyirán, en nabatas baxarán
brilarán, en as carreras charrarán
biellos e chóbens; mullérs, chicoz e grans
religando sonitos con sendito fablarán
beyerán d’an bi son, enta án en ban
creyerán que ye posible un atro plan
luitarán por remanir en ixas bals
en ixas tierras xutas con a espiga farán pan
farán pan, pero no plorarán pas
rechirarán n’a escureldá con lampas
trespasarán as mugas e ras trampas
trencando ra medrana como cuan a boira escampa

[estribillo 4]
no he reblato, d’a escureldá tornato
yo soi a boz de aquérs de qui t’has xublidato
te beigo xorrontato, ya soi escruxinato
mas no amortato pues encara no he reblato

adedicato á ra chen que luita por as fablas minorizatas
porque toz somos minoría en iste planeta estricallato

abala-ne! si l’aragonés no esiste pas
iste ye ro chilo d’os pantasmas
que te fan plorar en os tuyos suenios…

hahahaha

di-le-ne á tu mai!

- que pasa lyrics

Random Lyrics

HOT LYRICS