schelmish – winder wie ist lyrics
winder wie ist nû dîn kraft
worden gar unsigehaft
sît der meie sînen schaft
hat ûf dir verstochen
vor den welden ûf dem plân
siht man wunneclîchen stân
liehtiu bluemel wolgetan
der hân ich gebrochen
gar besunder durch ein wunder
solchez kunder ich vernam
man und vrouwen, ir sult schouwen
in den ouwen âne scham
wie des liehten meien schar
stât bekleit in purper var
jungen meid des nemet war
belîbet unversprochen
klaget niht den winter kalt
ir sult sîn an vröuden balt
vröut iuch, beide junc und alt
gein dem süezen meien
torstè ich vor der vrouwen mîn
mit iu wollt ich vrolich sîn
nû twinget mich ein ander pîn
daz ich nîht mac greien
in der wîse ich nû grise
also lîse sliche ich nâch
unverborgen alle morgen
in den sorgen ich versmâh
mîner vrouwen, diust so her:
sie spricht, ich tuo it leit und ser
zwâr ich dien ir niemer mèr;
ez get an ein zweien
Random Lyrics
- felipe cordeiro – cravo e canela lyrics
- fatboy slim – up / right here, right now lyrics
- d.reasco – drumstick ft vega$ lyrics
- kind of like spitting – i ain’t marching anymore lyrics
- axé bahia – nego maluco lyrics
- roberto carlos – nuestro amor (o nosso amor) lyrics
- meursault – lament for a teenage millionaire lyrics
- tyler fontaine – imagine lyrics
- trill deus – lil mama lyrics
- la gossa sorda – ball de rojos lyrics