senior (eg) – لعنه l la3na lyrics
[المقطع الاول]
وصلنا بعلاقتنا لـ حد مش هيفيدنا
مش عارف أتعايش معاها، ولا أروح لـ غيرها
ولا قادر أقبل الفكره، إنك ممكن تبقي ذكرى
وإن كل ضحكه ودمعه ولحظة حُب عندك نكره
مش هخاف على اللي باقي مِني ومنك وسط طمعنا
ولا حتى هقبل ضعفي ولا الروتين على بر شيعنا
المشكله مش فيكي إطلاقاً، أنا اللي أهدرت الطاقه
إتبهدلت .. وصبرت، شعره بين ساذج وحماقه
وكإني كُل مره كُنت أستنى تطعنيني
أشيل السم من وريدك تقنعيني أحقن وريدي
وأنا ولا مره فيُهم كدّبتك ولا بعدت
كُل مره كُنا بنبعد تقبلي , ولا مره قبلت
إعذَريني كُنت كتير بارد، وكتير مابتكلمش ..
كُنت فاكر إنك فاهمه الإحساس اللي مايتوصفش
وإنتي قابلتي كُل حاجه حلوه بإنك تتجبري
قلبي شاخ من الأوجاع , وإنتي مش عايزه تكبري
[اللازمه]
والعُمر يفوت يا يوسف وأستناك ترجع يا بصري
وأنا بعد ذنبك يونس، بستغفر عليكي ربي
أنا كُنت أضعف من يوسف، هزمتني إمرأة العزيز
بس روحي مكان ماتروحي، أنا عندي الأغلى بكتير
غريبه، روايه مش فاهم معانيها
شدتيني للذنوب وبعدتي عشان غرقت فيها !!؟
وكإنك كُنتي بس بتضمني إن اللعنه تدوم
خليتني أقطُف الذنب أنا برضايا عشان تدوق
[المقطع الثاني]
زي ما إحنا .. الفرق واضح بين ملامحنا ..
واحده فهمت معنى الحب، التانيه لعبت بيه لصالحها
هتفضلي طول عمري سجن قلبي عايش يهرب منه
أكبر بُقعه سوداء فوق سطور حياتُه وسجنه
آخر مره طلبت منك آخر رقصه بيننا
بس دي كانت جُمله مكانش أبداً قصدي منها
إنك فوق أوجاعي تتمايلي وتبتسميلي عشان أتحمل ..
وإني عشانِك أجبر الحق بالباطل يتجمل
وأكره جميل حسيته، وأخسر كل شئ بنيته
وأكسر بإيديا ثقتي ف أكتر شخص في يوم حبيته
إنتي بس عشان حبيتي البنوته اللي أنا كنت راسمها
وإنهارده بكل سلاسه أجبرتيني بإيدي أقتلها
عشان أقبلك , بتخيلك .. شئ أجمل من اللي إنتي عليه
آخر بُقعه على كوكبنا مش هتساعنا .. عارفه ليه ؟
عشان عُمرك ماكُنتي حوا .. إنتي الوسواس ي أفعى
صدقيني الجُمله دي مُقارنتاً باللي ف قلبي .. نفحه
[اللازمه]
والعُمر يفوت يا يوسف وأستناك ترجع يا بصري
وأنا بعد ذنبك يونس، بستغفر عليكي ربي
أنا كُنت أضعف من يوسف، هزمتني إمرأة العزيز
بس روحي مكان ماتروحي , أنا عندي الأغلى بكتير
غريبه، روايه مش فاهم معانيها
شدتيني للذنوب وبعدتي عشان غرقت فيها !!؟
وكإنك كُنتي بس بتضمني إن اللعنه تدوم
خليتني أقطُف الذنب أنا برضايا عشان تدوق
Random Lyrics
- eugie saguaro – perfect lyrics
- yank (ubr) – #3º rascunho lyrics
- lissie – castles (piano version) lyrics
- liamette – dormir lyrics
- sergio jourdain – come my way lyrics
- del-n’quent – trouble (the return) lyrics
- caj flow – falling lyrics
- pascal obispo – le soir lyrics
- pomplamoose – i’m still standing lyrics
- kutless – great are you lord lyrics