stiller has – summer lyrics
chumm, gang mer furt mit sunnecreme
i fahre das jahr nid as meer, as meer
i pfiiffe uf die ferie
ufe ferieverchehr
der summer isch us blei
u niemer isch dehei
u d bure stöh im höi
u ir beiz wird nume gliiret
chumm, mir fahre mit em füdle über ds liintuech
u mit em finger uf der charte rund um d wält
los, i blybe lieber hie u suuffe no es bier
u tue der äschebächer fülle u ds chopfchüssi zerwüele
u zwar mit dir
ja, i weiss, z kanada hets wald u holz
aber dert frisst di der bär
im süde ischs mer eh gäng z heiss
u ds frässe ligt mer schwär
u was im mai mal isch nöi gsii
das isch im juni scho verbii, scho verbii
oder emel nümm so früsch wie denn
u bald wird erste ougschte gfiiret
chumm, mir fahre mit em füdle über’s liintuech
u mit em finger uf der charte rund um d wält
los, i blybe lieber hie u suuffe no es bier
u tue der äschebächer fülle u ds chopfchüssi zerwüele
u zwar mit dir
ir wüeschti si skorpione
z paris weisch nie wo wohne
am strand grille d teutone
der stadtwald u die wiesene
hei d hüng scho lang verschisse
u der allerletscht düregheit fliederwädel
hei die bsoffnige abgschrisse
chumm, mir fahre mit em füdle über ds liintuech
u mit em finger uf der charte rund um d wält
los, i blybe lieber hie u suuffe no es bier
u tue der äschebächer fülle u ds chopfchüssi zerwüele
u zwar mit dir
u zwar mit dir, u zwar mit dir
u zwar mit dir
u zwar mit dir
chumm, mir fahre mit em füdle über ds liintuech
u mit em finger uf der charte rund um d wält
los, i blybe lieber hie u suuffe no es bier
u tue der äschebächer fülle u ds chopfchüssi zerwüele
Random Lyrics
- matt palmer – trainwreck lyrics
- jem – your hands lyrics
- new politics – overcome lyrics
- chino xl – eye lyrics
- pentagram – bir lyrics
- tito el bambino – siente el boom lyrics
- britney spears – you got it all (from bsb’s all access video) lyrics
- widespread panic – you got yours lyrics
- dj quik – tear it off lyrics
- red hot chili peppers – fire lyrics