züri west – sunntig mittag i de sächzgerjahr lyrics
we auben öbber zbsuech isch cho
won i no ne bueb bi gsi
hets immer öbbis zmittag gäh
u när isch me ghocket bis am drü
u het gässen u verzellt
u auti gschichte vüre gno
u när der job u d familie u d ching
u när sy di fragen aube cho
was wosch de du mau wärde?
hesch der scho öbbis überleit?
i hätt nie gwüsst was säge
u ha aube irgendöbbis gseit
e fiumstar oder cowboy
oder indianer oder gloon
eifach so seich wo si wei ghöre
ire settige situation
aber gstumme het das natürlech nid
i ha mer nume nüt wöue verderbe
i ha genau gwüsst wases mau us mir git
i ha wöue italiäner wärde
i weisses nümm so gnau
wieni denn druf bi cho
i ha gloub keni italiäner kennt
di sy denn ja ersch grad ufecho
aber i ha ne aube zuegluegt bim bügle
u si hei mi eifach super dünkt
aber am ne sunntig mittag i de sächzgerjahr
machsch mit däm natürlech nid viu pünkt
aber gstumme het das natürlech nid
i ha mer nume nüt wöue verderbe
i ha genau gwüsst wases mau us mir git
i ha wöue italiäner wärde
i ha wöue italiäner wärde
i ha wöue italiäner wärde
i ha denn wöue italiäner wärde
i ha wöue italiäner wärde
i ha wöue italiäner wärde
Random Lyrics
- kinoko teikoku – the sea lyrics
- russian bootstrap – wave lyrics
- david byrne – show and tell lyrics
- jeune ras – brigitte lyrics
- bassistent – diss is the end lyrics
- haus – gave you all lyrics
- quilly – v.o.p. (violation of probation) lyrics
- judy collins & ari hest – home before dark lyrics
- matheus maxxt – ligação de acontecimentos lyrics
- lirika inverza – descartes vol. 1 lyrics